الألعاب

8 من أفضل ألعاب الكمبيوتر القديمة

كتير من الجيمرز بيحسو بالحنين لألعاب الكمبيوتر القديمة لأنها بتفكرهم بأيام الطفولة وبالذكريات الحلوة اللي عاشوها. العاب زمان دي مش بس كانت مصدر تسلية، لكنها كمان كانت وسيلة للتواصل مع الأصحاب

بقلم ripple mark eg

‎6‎ دقيقة للقراءةPublished on 26.06.2024 · 12:36 UTC

في العاب قديمة كتير ساعدت الجيمرز قدروا يطوروا مهاراتهم في حل المشاكل واخد القرارات بسرعة. ده غير أنها ساهمت في تطور صناعة الألعاب بشكل عام لحد ما وصلنا دلوقتي لبطولات عالمية لألعاب الفيديو زي بطولة LoL وسط العاب اون لاين ملهاش عدد وتوسع مجتمع الجيمز لدرجة منتخيلهاش!

ألعاب كمبيوتر قديمة/كلاسيكية

ألعاب الكمبيوتر الكلاسيكية هي اللي اتعملت من فترات زمنية طويلة وبتكون ليها شعبية كبيرة وتأثير واضح على الأجيال المختلفة. الألعاب دي عادةً بتكون بسيطة في تصميمها لكنها ممتعة لكل للجيمرز اللي لعبوها. بس برضو، أيه اللي بيخلينا نقول على لعبة أنها كلاسيكية؟

الشعبية: معروفة ومحبوبة عند عدد كبير من الجيمرز.
التأثير: أثرت على تصميم وتطوير الألعاب اللي جت بعدها.
التجديد: قدمت أفكار جديدة ومبتكرة في وقتها.
الاستدامة: لسه ليها بشعبية حتى بعد مرور سنين طويلة على إصدارها.

كراش بانديكوت Crash Bandicoot

كراش بانديكوت هي واحدة من أشهر الألعاب اللي اتعملت في التسعينات وكانت بداية لسلسلة من الألعاب الناجحة، وقدمت مفاهيم جديدة في تصميم الألعاب. اللعبة دي ساهمت في تحديد معايير جديدة لألعاب المغامرات وساعدت في زيادة شعبية ألعاب المنصات. وبتدور حوالين شخصية كراش، وهو حيوان باندا أحمر بيعيش في جزيرة استوائية وبيواجه مجموعة من الأعداء والعقبات.

الشخصية الرئيسية: كراش، البطل اللي بيخوض مغامرات مثيرة ومليانة تحديات.
المستويات المتنوعة: مستويات مختلفة فيها تحديات ومهام كتيرة بتحتاج لذكاء وسرعة.
الأعداء والعقبات: مجموعة متنوعة من الأعداء والعقبات اللي بتخلي اللعبة ممتعة ومشوقة.
التصميم الجرافيكي: تصميم جذاب وألوان زاهية بتميز اللعبة.

درايفر: سان فرانسيسكو

Driver: San Francisco
© Creative Commons

درايفر: سان فرانسيسكو هي لعبة سباقات وأكشن اتشهرت بسبب قصتها الممتعة وعالمها المفتوح. اللعبة دي بتركز على شخصية جون تانر، سواق محترف بيحاول يقبض على مجرم خطير في شوارع سان فرانسيسكو. ومن أهم مميزاتها:

القيادة الحرة: تقدر تسوق العربيات بحرية في مدينة سان فرانسيسكو الواسعة.
القصة: قصة فيها مطاردات ومهمات مثيرة بتخلي اللاعب متشوق يعرف النهاية.
التحكم: تحكم سهل وواقعي بيخلي تجربة القيادة ممتعة.
التصميم الجرافيكي: تصميم واقعي للمدينة والشوارع.

زوما

زوما هي لعبة ألغاز ممتعة كانت بتطلب من اللاعب تدمير الكور الملونة قبل ما توصل للنهاية. اللعبة دي كانت بتعتمد على السرعة والدقة في التصويب، وبتقدم تجربة مسلية وتحدي مستمر. ومن أهم مميزاتها:

البساطة: سهلة التعلم وصعبة الاحتراف، بتناسب جميع الأعمار.
التحدي: المستويات بتزيد صعوبتها تدريجي، وده بيخلي اللاعب دايماً متحفز.
التصميم الجرافيكي: تصميم ملون وجذاب بيشد الانتباه.
الأصوات: مؤثرات صوتية ممتعة.

صلاح الدين

صلاح الدين هي لعبة استراتيجية تاريخية بتركز على بنا الجيوش والقلاع والحروب. اللعبة دي بتدور في العصور الوسطى وبتقدم تجربة غنية في التخطيط والاستراتيجية. ومن أهم ميزات اللعبة:

البنا: بنا القلاع والتحصينات وتطوير المدن.
القتال: معارك استراتيجية بتحتاج لتخطيط ذكي واستخدام الموارد بحكمة.
الشخصيات التاريخية: وجود شخصيات وأحداث تاريخية بتزيد من واقعية اللعبة.
التصميم الجرافيكي: تصميم دقيق للبيئات والشخصيات.

سوبر ماريو

سوبر ماريو هي واحدة من أشهر الألعاب في تاريخ الألعاب، كلنا تقريًبا استمتعنا بمغامرات شخصية ماريو في إنقاذ الأميرة بيتش من الشرير باوزر. اللعبة دي كانت بداية لسلسلة ناجحة جداً ومحبوبة في كل أنحاء العالم.

الشخصية الرئيسية: ماريو، السباك الإيطالي الشجاع.
المستويات: مستويات متنوعة ومبتكرة بتقدم تحديات مختلفة.
الأعداء: مجموعة متنوعة من الأعداء والعقبات اللي بتحتاج مهارات مختلفة عشان تتغلب عليها.
التصميم الجرافيكي: تصميم بسيط لكن ملون وجذاب.

هيركليز

هيركليز هي لعبة مغامرات متاخده من فيلم ديزني المعروف، بتقدم تجربة مليانة بالتحديات. في اللعبة دي، هرقل بيخوض مجموعة من المغامرات ضد الأشرار.

الشخصية الرئيسية: هرقل، البطل الأسطوري بقوة خارقة.
المستويات: مستويات متنوعة بتحتاج لذكاء وقوة في التغلب على الأعداء.
الأعداء والعقبات: مجموعة متنوعة من الأشرار والعقبات.
التصميم الجرافيكي: تصميم مستوحى من الفيلم بألوان زاهية ورسومات جذابة.

Virtua Cop 2

Virtua Cop 2 هي لعبة إطلاق نار من منظور الشخص الأول كانت من أشهر ألعاب الأركيد وبتحتاج لسرعة ودقة في التصويب من اللاعيبة. ومن أهم ميزات اللعبة:

التصويب: تصويب دقيق وسريع.
المستويات: مستويات كتير بتزيد صعوبتها كل ما اتقدمت في اللعبة.
الأعداء: بتواجه أعداء بأسلحة مختلفة.
التصميم الجرافيكي: جرافيكس واقعي ودقيق يعكس جو الأركيد.

BeachHead

BeachHead هي لعبة دفاع عن الشاطئ، ومهمة اللاعب التصدي لموجات الأعداء باستخدام المدافع. اللعبة دي بتقدم تحديات استراتيجية ومواجهات حماسية. ومن أهم ميزات اللعبة:

الدفاع: استراتيجيات دفاع متنوعة لصد الهجمات.
الأعداء: موجات من الأعداء بيزيدوا في القوة والعدد.
الأسلحة: ترسانة من الأسلحة للدفاع عن الشاطئ.
التصميم الجرافيكي: تصميم بسيط لكن جذاب.

العاب pc بتدخلك عالم مليان بالمغامرات والتحديات اللي كانت مسلية جيل كامل. فرصة تعيش تجارب من زمن تاني وتشوف إزاي الألعاب دي لسه ممتعة ومحبوبة لغاية دلوقتي.

ولو حاسس انك مأخدتش كفايتك من الألعاب الجديدة، فخليك برضو متابع ريد بل عشان تعرف نصايح مهمة زي أفضل تكتيكات فيفا 24 وشفرات GTA وغيرهم كتير!