الألعاب
أفضل ألعاب PS 4: مغامرات، أكشن، وتحديات مش هتقدر تقاومها
لو إنت من الناس اللي عايشين من أجل كل لحظة في عالم الألعاب، فأكيد بلايستيشن 4 هو رفيقك المثالي. لكن السؤال اللي دايمًا بيكون في بالك: "إيه هي أفضل ألعاب PS 4؟"
في المقال ده، هنتكلم عن الألعاب اللي لازم تجربها عشان تعيش أفضل تجربة لعب ممكنة.
ازاي تختار أفضل ألعاب بلايستيشن 4 المناسبة ليك؟
مع كم الألعاب الكبير المتاح على بلاي ستيشن 4، اختيار اللعبة المناسبة ممكن يكون صعب. هل بتدور على لعبه مليانة أكشن؟ ولا عاوز تجربة هاديه مليانة استكشاف وتفكير؟ مهما كان ذوقك، لازم تعرف إيه النوع اللي يناسبك. واحنا هنساعدك تختار اللعبة المناسبة لاهتماماتك، وهنوضح ليه الألعاب دي تعتبر الأفضل في الفئة بتاعتها.
الألعاب القتالية: التحدي والإثارة
لو بتحب الأكشن والتحديات، الألعاب القتالية هي أحسن اختيار ليك. God of War، مثلُا، من الألعاب اللي غيرت مفهوم القتال تمامًا. اللعبة مليانة معارك أسطورية وتحديات تكتيكية تخليك مستمر قدام الشاشة لساعات. Sekiro: Shadows Die Twice هتعجبك لو كنت بتفضل الساموراي. واللعبة معروفة بصعوبتها وأسلوبها اللي بيعتمد على التركيز والدقة في الضربات.
ألعاب العالم المفتوح: الحرية والاستكشاف
ألعاب العالم المفتوح هتاخدك لعوالم واسعة مليانة تفاصيل. Red Dead Redemption 2 مثلًا بتقدم قصة عميقة وعالم مليان حياة وتفاصيل. The Witcher 3: Wild Hunt هي كمان واحدة من أفضل ألعاب العالم المفتوح اللي بتدمج بين القصة القوية والتفاصيل الصغيرة اللي بتخلّي كل جزء في اللعبة تجربة فريدة.
أفضل الألعاب الرياضية على PS 4: تحديات رياضية
الألعاب الرياضية دايمًا ليها مكانة خاصة عند الجيمرز، سواء كنت بتحب كرة القدم، السلة، أو حتى سباق السيارات. FIFA 21 واللاعبين اللي فيها هي الاحسن في كرة القدم لأنها واقعية جدًا في شكل الملعب والرسومات. أما NBA 2K21 هتحسسك وكأنك في قلب الملعب جنب ليبرون جيمس أو كيفن دورانت.
ألعاب سباقات السيارات: السرعة والحماس
هتلاقي متعة متتوصفش مع Gran Turismo Sport. اللعبة دي مش بس سباق، دي تجربة مليانة تحديات ودقة في كل منحنى. Need for Speed Heat هي كمان من الألعاب اللي بتخليك تحس بالحماس وانت بتهرب من الشرطة في شوارع المدينة.
الألعاب الاستراتيجية: تحدي العقل والتفكير
مش كل الألعاب محتاجة تكون مليانة اكشن وضرب نار. الألعاب الاستراتيجية بتقدملك تحدي مختلف، تحدي للعقل والتخطيط. XCOM 2 مثلًا، لعبة تعتمد على الذكاء في القرارات والتخطيط للهجوم والدفاع. Civilization VI بتدخلك في عالم من التحديات التاريخية، لانك هتتحكم في حضارة كاملة من البداية للنهاية.
ألعاب المغامرات: حكايات هتعيشها بنفسك
ألعاب المغامرات بتحسسك انك جزء من قصة عظيمة مليانة لحظات مؤثرة وحماسية. Uncharted 4: A Thief's End، واحدة من أفضل الألعاب في النوع ده. قصة اللعبة مشوقة مليانة مغامرات وتحديات. The Last of Us Part II كمان واحدة من الألعاب اللي بقى كل الجيمرز بيتكلمو عليها بسبب قصتها العميقة والدرامية.
أفضل ألعاب الرعب على PS 4: مغامرات تخوفك بجد
لو بتحب تعيش لحظات من الرعب والإثارة، فيه ألعاب على بلاي ستيشن 4 بتقدم لك تجارب مخيفة تخليك مش قادر تنام وشخصيات ألعاب مرعبة بجد. Resident Evil 7، من الألعاب اللي رجعت لأصول الرعب الكلاسيكي. Until Dawn هي كمان لعبة مليانة مفاجآت، بتخليك تاخد قرارات مصيرية وكل قرار بيغير مسار القصة.
ألعاب الأنمي على PS 4: تجربة يابانية مختلفة
محبين الأنمي عندهم حظ كبير مع مجموعة ألعاب مستوحاة من الأنيمي الياباني. Dragon Ball FighterZ هي واحدة من الألعاب اللي بتدمج بين الرسومات وأسلوب القتال السريع. Naruto Shippuden: Ultimate Ninja Storm 4 كمان بتقدملك تجربة ممتعة من الأكشن والدراما.
أسئلة متكررة أفضل ألعاب PS 4
إيه هي أفضل لعبة أكشن على PS 4؟
أفضل لعبة أكشن ممكن تكون God of War بسبب القتال المتقن والقصة المؤثرة اللي بتدمج بين الأساطير النوردية والتحديات الممتعة.
إيه هي اللعبة المناسبة لمحبي ألعاب العالم المفتوح؟
Red Dead Redemption 2 تعتبر الأفضل لعشاق العالم المفتوح بسبب عالمها الغني بالتفاصيل والمهام المختلفة.
إيه هي أفضل لعبة رياضية على PS 4؟
FIFA 21 بتقدملك تجربة رياضية ممتعة لمحبين كرة القدم بسبب واقعيتها وتفاصيل اللعب.
4. إيه هي اللعبة المثالية لمحبي ألعاب الرعب؟
لو بتحب الرعب، Resident Evil 7 هتكون اختيار ممتاز، لأنها بتجمع بين الأجواء المخيفة والقصة المثيرة.
5. هل فيه ألعاب PS 4 مناسبة لكل الأعمار؟
طبعًا، ألعاب زي Minecraft وLittleBigPlanet 3 مناسبة جدًا لكل الأعمار، بتقدم تجربة ممتعة وامان للأطفال والكبار.
بلايستيشن 4 فيه مجموعة ضخمة من الألعاب اللي بتناسب كل الأذواق. ومتنساش دايمًا تكون متابع التحديثات والعروض الخاصة، عشان تقدر تستمتع بكل لحظة في عالم PS 4.
تابع ريد بُل عشان تعرف كل جديد في عالم الجيمز!