لازم نباركلكوا لأن السنة دي أخدتوا منحة من برنامج "Net Zero Living" من Innovate UK (وكالة الابتكار الحكومية اللي شغالة على تحقيق صفر انبعاثات).
ده خلانا نتواصل مع شركات ونصنع نموذج مبدئي لمنتج "Lylo"، ونجربه في ظروف حقيقية.
أيوة، إحنا فعلاً بنوصل للناس! شغالين مع جامعة أنجليا روسكن هنا في المملكة المتحدة عشان نوصلهم لـ 50 طالب يجربوها في سكنهم.
وإيه هى آخر الأخبار؟
متحمسين جداً لأنه دي أول مرة المنتج بتاعنا يكون مع المستخدمين. لأي مصمم منتجات، ده شعور سحري – زي ما تكون بتشوف طفلك وهو بيتعلم المشي. ولكن طبعاً، فيه تفاصيل صغيرة لازم نشتغل عليها.
وايه اللي هيحصل بعد ما ينتهي التجريب؟
بعد ما ينتهي التجريب في أول 2025، هنبدأ نجمع قايمة بالتحسينات اللي محتاجين نعملها ونبدأ نشتغل على إننا نطور المنتج للتصنيع، وبعدها هنبدأ نجمع الميزانية. إحنا متوترين شوية عشان عارفين ان تكاليف التصنيع والتطوير مكلفة.
أعتقد عنوان 2025 – البحث عن مستثمرين!
دلوقتي بعد ما عرفنا آخر التطورات، خلينا نتكلم عن رحلتكم لحد النقطة دي. أنتوا قبل كده قلتوا إن الفوز بـ Red Bull Basement غير خططكم بعد الجامعة. رحلتكم كانت عاملة ازاي؟
بعد ما خلصنا دراستنا في 2021، انضمينا لـ Hardware accelerato، وبدأنا الشغل على البيزنس وطورنا المنتج أكتر. قبلونا في The Greenhouse في إمبريال كوليدج لندن بالتعاون مع معهد Grantham. كمان قدمنا على حاجات زي جوائز Young Innovators وWomen in Innovation، وجوانا فازت بيهم وكانت مشاركتها مبهرة.
السنتين اللي فاتوا، كانت فترة تطوير بشكل أساسي: تطوير المنتج أكتر، التفكير في التصنيع، وبعدين منحة Net Zero Living. إحنا لسه في مرحلة تطوير المنتج، بس قربنا نخلص قريب، لأن هيكون عندنا ملاحظات من المستخدمين وساعتها نقدر نصمم المنتج للتصنيع.
الطريق بقى واضح بعد ما شاركتوا في Red Bull Basement. هل كان ده دافع ليكم؟
طبعاً. في الوقت اللي دخلنا فيه Red Bull Basement، كنا مأجلين مشروع Lylo. لكن الفوز – وعشان أكون صريح، حتى مجرد الوصول للمرحلة التانية – كان تأكيد للفكرة، لأن الناس شافت فيها قيمة. التأكيد ده، هو حاجة شجعتنا، وبقى عندنا سبب نكمل. أعتقد ده اللي خلاني أنا وجوانا نكون في المكان اللي إحنا فيه دلوقتي، لأننا دخلنا Red Bull Basement ومن هنا بدأنا.
كنا في الجامعة، وفجأة، لما وصلنا لنهائيات المسابقة، لقينا إننا لازم نخصص وقت للمشروع ده. مكناش عارفين إذا كنا هنعمل النموذج المبدئي ده، أو إننا هنلاقي الدعم اللي اخدناه، زي ان فريق Red Bull UK بعتلنا طابعة 3D عشان نكمل النموذج المبدئي.
إيه رأيكم في جانب التواصل في الفعاليات اللي زي Red Bull Basement؟
في النهائيات، أتكلمت مع Audvice اللي كسبو قبل كده، وسألتهم، "إيه المفروض يكون النقطة الأساسية في العرض؟" ده ساعدنا فعلاً. وفضلنا على تواصل معاهم، ومع ناس تانية. وبكده بقي في تواصل مع مبتكرين ليهم نفس أفكارنا.
هحس بشعور رهيب لو بعد 20 سنة قلت، ياريت كان؟
اخر سؤال، هل لسه مصدقين ان فكرة واحدة ممكن تغير العالم؟
أنا متأكد من كده. لو رحلتنا هي أي حاجة نقدر نقيّس عليها، فكرتنا عندها فرصة تعمل فرق كبير، وشوفنا ده مع كتير من الشركات اللي لسه بتبتدى. في العالم الجديد لريادة الأعمال اللي فتح لنا، اتواصلنا مع شركات كتير ورواد أعمال شباب. ناس عندهم افكار هايلة، ودايمًا بنشوفهم بيستفيدوا من فرص كبيرة عشان يغيروا العالم.
أعتقد جزء من دوافعنا هو نوع من الـ FOMO: خوفنا من تفويت الفرص اللي ظهرت. فيه فرصة حقيقية للتغيير – لازم تستمر في المحاولة. هحس بشعور رهيب لو بعد 20 سنة، وأنا زهقانه من شغل المكتب، قلت "ياريت كان؟"
.png)
